Proses Tai Teg

• Mae meini prawf gwahanol ar gyfer rhentu a phrynu.
• Os ydych yn bodloni'r meini prawf, yna fydd angen i chi gwblhau'r ffurflen gais sydd ar ein wefan. Os oes angen cymorth arnoch, cysylltwch â Tai Teg.
• Ar ôl i chi ddechrau llenwi'r ffurflen, rhaid i chi gwblhau pob cwestiwn a’u cyflwyno i'w hystyried gan nad yw’n bosib cadw’r ffurflen. Bydd cau'r ffurflen i lawr yn golygu y bydd yn rhaid i chi ailddechrau'r ffurflen gais o’r cychwyn.Tai Teg | Ffurflen Gais
• Ar ôl i chi gwblhau ffurflen gais fydd Tai Teg yn ystyried yr wybodaeth sydd wedi ei gyflwyno ag yna cymeradwyo neu wrthod eich cais.
• Os cewch eich cymeradwyo, yna byddwn yn cael eich rhoi ar gofrestr Tai Teg yn barod i ymgeisio am eiddo
• Os byddwn yn gwrthod, byddwch yn cael y rheswm ac yn cael cyngor ac arweiniad o ran eich opsiynau tai.

Apelio yn erbyn penderfyniad i wrthod eich cais i fod ar y gofrestr

• Os gwrthodwyd i chi gael eich rhoi ar gofrestr Tai Teg a bod gennych wybodaeth ychwanegol y gallwn ystyried nad ydych wedi'i chynnwys yn eich ffurflen gais wreiddiol yna cysylltwch â ni o fewn 5 diwrnod gwaith. Os na wneir unrhyw gysylltiad, yna bydd eich cais yn cael ei ddileu oddi ar y system.
• Os nad oes gennych unrhyw wybodaeth ychwanegol i'w darparu fel rhan o'r broses apelio, yna bydd y penderfyniad i wrthod y cais yn parhau.
• Os bydd eich amgylchiadau'n newid, yna bydd yn rhaid i chi gwblhau cais o'r newydd i'w ystyried.

• Pan fyddwch wedi cael eich cymeradwyo, bydd eich statws yn newid i fod yn ‘barod i ymgeisio’.
• O hyn ymlaen, gallwch wneud cais am eiddo yn dibynnu ar yr hyn yr ydych wedi cael eich cymeradwyo ar ei gyfer, h.y. rhentu/prynu neu'r ddau.
• Eich cyfrifoldeb chi fydd i edrych am eiddo addas drwy ein wefan neu ein cyfryngau cymdeithasol.

• Os hoffech wneud cais am eiddo yna cysylltwch â ni drwy e-bost / ffôn neu chat drwy ein gwefan. Rhaid cyswllt gael ei wneud cyn dyddiad cau'r eiddo.
• Byddwn yn gwirio os yda chi wedi eich cymeradwyo gan Tai Teg a fod eich statws ar `barod i ymgeisio'.
• Os ydi'r statws ar `Barod i ymgeisio' yna byddwn yn anfon linc i chi drwy ebost i ymgeisio am yr eiddo.
• Plis Noder:- Ni ddylid anfon y linc ymlaen i eraill. Os y byddwm yn derbyn gwybodaeth fod y linc wedi ei rhannu yna byddwm yn tynnu eich cais i ffwrdd o gofrestr Tai Teg.
• Unwaith y byddwch wedi gwneud cais am eiddo, bydd eich cais yn cael ei gynnwys ar restr fer.
• Ni fyddwn yn creu rhestr fer ar gyfer yr eiddo tan y dyddiad cau. Rydym yn cadw'r hawl i newid yr dyddiad cau os oes digon o ymgeiswyr wedi ymgeisio am yr eiddo.
• Ar ôl y dyddiad cau, byddwn yn creu rhestr fer gan gymryd eich dyddiad cymeradwyo /fforddiadwyedd/maint y teulu a'ch cysylltiad lleol i ystyriaeth. Fel arfer, byddai rhestr fer yn cael ei chwblhau o fewn 14 diwrnod gwaith ar ôl diwrnod cau'r eiddo, yn dibynnu ar y llwyth gwaith.
• Byddwn yn defnyddio'r fformiwla a nodir isod i wirio bod costau tai yn cyfateb i ddim mwy na thua 30% o'ch incwm.
• Rhaid i aelwydydd allu fforddio'r costau tai ('rhent' gan gynnwys unrhyw daliadau gwasanaeth) a dylai'r rhain gyfateb i ddim mwy na thua 30% o'ch incwm. e.e. £25,000 x 30% = £7,500 / 12 (misoedd) £625pcm.
• Yn dibynnu ar nifer yr eiddo sydd ar gael ar gyfer yr hysbyseb benodol h.y. 4 x 2 ystafell wely, efallai y bydd yn rhaid i ni ail-agor y cais os nad oes gennym nifer digonol o geisiadau. Bydd eich cais yn aros ar y rhestr fer ac yn cael ei ystyried.
• Unwaith y bydd y rhestr fer yn ei lle, byddwn yn gwahodd unigolion yn nol trefn y rhestr fer i gyflwyno dogfennau 3 mis cyn bod yr eiddo'n barod, er mwyn i ni allu cwblhau asesiad ariannol.
• Nodwch, os gwelwch yn dda, mai eich cyfrifoldeb chi yw sicrhau bod y manylion ar eich ffurflen gais yn gywir ar adeg gwneud cais am eiddo gan y gallai effeithio ar eich lle ar y rhestr fer. Os oes angen diweddaru eich manylion, gwnewch yn siŵr eich bod yn rhoi gwybod i ni cyn dyddiad cau'r eiddo. Ni fydd manylion sy'n cael eu diweddaru ar ôl creu'r rhestr fer yn cael eu hystyried.

• Rhaid cyflwyno pob dogfen drwy ddefnyddio wetransfer/egress neu anfon drwy ebost.
• Nid yw cyfathrebiadau rhyngrwyd yn ddiogel, ac nid ydym yn gyfrifol am unrhyw gam-drin gan drydydd partïon, nac am unrhyw newid, llygredd wrth drosglwyddo, nac am unrhyw ddifrod neu golled a achosir gan unrhyw firws neu ddiffyg arall. Awgrymir anfon dogfennau trwy e-bost wedi’i amgryptio / egress a We transfer, a chyfrifoldeb yr ymgeisydd yw sicrhau eu bod yn defnyddio system ddiogel i anfon dogfennau.
• Byddwch angen sicrhau eich bod yn cyflwyno eich dogfennau erbyn y dyddiad cau fydd wedi ei nodi yn yr ebost.
• Os nad ydych yn gallu cyflwyno yr dogfennau erbyn y dyddiad cau hwn am reswm penodol, cysylltwch â'r tîm, neu bydd eich cais yn cael ei roi yn ôl ar statws ‘Barod i ymgeisio’ a byddwm yn symud ymlaen i'r ymgeisydd nesaf ac ni chewch eich ystyried ar gyfer yr eiddo.
• Mae angen yr holl ddogfennau a restrir isod arnom. Ni fyddwn yn gallu symud ymlaen â'ch cais os nad yw'r holl ddogfennau wedi'u cyflwyno.
• Enwch y dogfennau cyn eu huwchlwytho, gan fod hyn yn ei gwneud yn haws i ni wirio h.y. datganiad banc Mawrth 2020/ slipiau cyflog Ebrill 2020
• Os oes gennych fwy nag un cyfrif banc, dylech uwchlwytho datganiadau 3 mis ar gyfer yr holl gyfrifon a'i henwi yn unigol.
• Os oes gennych unrhyw fenthyciadau/cardiau credyd a/neu gardiau siop rhaid i chi ddarparu'r dogfennau.
• Pan yn uwchlwytho datganiadau banc, gofynnwn pan fo'n bosib, i chi eu lawrlwytho o'ch cyfrif bancio arlein a'u uwchlwytho wedyn fel ffolder i'ch cyfrif Tai Teg.

Prif Ymgeisydd & Ymgeisydd ar y Cyd

• 3 mis o ddatganiadau banc diweddar llawn (pob cyfrif sydd gennych)
• 3 mis o slipiau cyflog diweddaraf
• Prawf o unrhyw incwm arall
• Prawf o flaendal (Cynilion, ISA, cyfrannau bondiau)
• Prawf o I.D. (pasbort/tystysgrif geni/cerdyn trwydded yrru)
• Prawf preswylio - Bydd angen copi o'ch llythyr Treth Gyngor arnom (gwybodaeth ychwanegol arall -biliau cartref/datganiadau banc/cofrestr etholiadol)
• P60
• Benthyciadau banc (os yn berthnasol)
• Cardiau credyd (os yn berthnasol)
• Cardiau cyfrifon a siopau (os yn berthnasol)
• Ffioedd gofal plant (os yw'n berthnasol)
• Cadarnhau penderfyniad morgais mewn egwyddor gan y benthyciwr ar yr uchafswm sydd ar gael i chi (os yn prynu eiddo yn unig)

Os yn hunangyflogedig, bydd angen yr isod yn ychwanegol i’r uchod :-

• Tystysgrif SA302 am y 3 blynedd diwethaf

Gall methu â darparu’r holl ddogfennau erbyn y dyddiad gofynnol olygu ein bod yn symud ymlaen i'r ymgeisydd nesaf ar y rhestr

• Pan fydd eich holl ddogfennau wedi'u cyflwyno, caiff eich cais ei neilltuo i aelod o staff.
• Yna, bydd yr aelod staff yn cwblhau'r asesiad ariannol yn seiliedig ar y dogfennau/ ar y dystiolaeth yr ydych wedi eu darparu. Byddem yn gwirio eich incwm yn erbyn meini prawf cymhwysedd y cynllun penodol
• Efallai y bydd angen i ni gysylltu â chi yn ystod y broses hon i dderbyn eglurhad am unrhyw fater neu i ofyn am wybodaeth bellach.
• Mae sicrhau bod eich dogfennau mewn trefn ac wedi eu henwi yn ei gwneud yn haws i'r swyddog gynnal ei asesiad.

• Pan fydd y swyddog wedi asesu eich cais, caiff ei anfon at y rheolwr i'w wirio.
• Os bydd y rheolwr yn cytuno â'r asesiad, caiff ei anfon ymlaen at y landlord i'w ystyried, neu os byddwch yn prynu, caiff ei anfon at y datblygwr/perchennog.
• Rhaid i’r landlord/datblygwr neu berchennog yr eiddo gymeradwyo eich cais cyn y byddwch yn cael cynnig yr eiddo'n swyddogol.
• Byddwn yn anfon holiadur boddhad atoch i chi ei lenwi. Mae derbyn adborth yn bwysig iawn er mwyn i ni allu adolygu ein prosesau.
• Pan fydd y landlord yn cymeradwyo’r cais am yr eiddo, byddwn yn cau eich cyfrif ar Tai Teg ac yn dileu pob dogfen.
• Eich landlord fydd eich prif bwynt cyswllt o'r pwynt hwn ymlaen.

• Yn dilyn yr asesiad ag os nad yw'r eiddo yn fforddiadwy mae'n bosib y bydd Tai Teg yn gwrthod eich cais ar gyfer yr eiddo penodol hwn.
• Byddwn yn trafod hyn gyda chi a byddwn yn adolygu ein penderfyniad os oes gennych ragor o wybodaeth neu dystiolaeth i gefnogi eich cais.
• Os bydd eich cais yn cael ei anfon at y landlord/datblygwr neu berchennog yr eiddo a'i fod yn gwrthod e.e. yn dilyn gwiriadau landlord/gwiriad credyd, yna byddant hwy yn cysylltu â chi i drafod y rheswm, a byddant yn hysbysu Tai Teg o'u penderfyniad.
• Bydd eich cais yn cael ei rhoi yn ôl ar statws `barod i ymgeisio’ er mwyn i chi wneud cais am eiddo arall a fyddai o bosib yn fwy fforddiadwy.
• Bydd yr holl ddogfennau a uwch lwythwyd yn cael eu dileu o'ch cyfrif.

Apelio yn erbyn penderfyniad i wrthod eich cais am yr eiddo

• Os gwrthodwyd eich cais a bod gennych wybodaeth ychwanegol y gallwn ystyried nad ydych wedi'i gyflwyno, yna cysylltwch a Tai Teg i drafod o fewn i 1 diwrnod gwaith o dyddiad gwrthod.
• Gallwn adolygu ein penderfyniad drwy ofyn i chi gyflwyno’r wybodaeth ychwanegol sydd ganddoch.
• Os nad oes gennych unrhyw wybodaeth ychwanegol i'w darparu fel rhan o'r broses apelio, yna bydd y penderfyniad i wrthod y cais yn parhau.
• Os na wneir unrhyw gysylltiad, byddwn yn symud ymlaen i'r ymgeisydd nesaf ar y rhestr fer a bydd y penderfyniad yn aros.

• Anfonir e-bost at ymgeiswyr yn flynyddol yn gofyn iddynt gadarnhau os ydi eu manylion yn gywir ag os am barhau i fod ar gofrestr Tai Teg.
• Os nad yw ymgeiswyr yn ymateb i'r neges e-bost , yna bydd eu cais yn cael ei ddileu ac ni fyddwch yn aros ar gofrestr Tai Teg.
• Os ydych chi am ail-ymgeisio, yna mae'n rhaid i chi greu cyfrif newydd a chwblhau'r cais ar-lein. Ni fydd eich dyddiad cymeradwyo gwreiddiol yn cael ei ystyried.

Noder os gwelwch yn dda: fel sydd wedi ei nodi yn rhan o ffurflen gais Tai Teg, pe canfyddir eich bod wedi darparu gwybodaeth anghywir yna mae gan Tai Teg yr hawl i gau eich cais.