Cynlluniau

Name: Tai Teg
Address: PO Box 167, Caernarfon, LL55 9BP
Telephone: 03456 015 605

Mae'r dudalen hon yn rhoi gwybodaeth am y cynlluniau sydd ar gael drwy Tai Teg. Darllenwch ofynion y cynlluniau'n ofalus a chliciwch ar y dolenni defnyddiol os oes angen rhagor o wybodaeth arnoch.

Rhent Canolraddol

Lle mae rhenti'n uwch na thai rhent cymdeithasol ac yn is na rhenti tai'r farchnad.
Mae rhai eiddo wedi'u gosod ar gyfradd y Lwfans Tai Lleol Lwfans Tai Lleol | LLYW.CYMRU. / 80% o rhenti farchnad agored neu yn unol a polisi gosod rhent y partner.
Fydd rhai landlordiaid angen mis o rent a blaendal, a bydd hyn yn cael ei nodi ar yr hysbyseb eiddo.
Bydd rhai landlordiaid angen gwiriadau credyd, geirda gan eich landlord presennol & gwiriadau cyflogaeth.
Rhaid i aelwydydd allu fforddio'r costau tai ('rhent' gan gynnwys unrhyw daliadau tal gwasanaeth) a dylai'r rhain gyfateb i ddim mwy na thua 30% o'ch incwm. e.e. £25,000 x 30% = £7,500 / 12 (misoedd) £625pcm.
Cysylltiad Lleol - Bydd gofyn i'r ymgeisydd gydymffurfio â meini prawf Cysylltiad Lleol fel y nodir ar hysbyseb yr eiddo.

Rhentu i Brynu

Nid yw'r cynllun yn bodoli bellach ond fe alle eiddo ddwad ar gael drwy'r broses ail-osod.

Mae cynllun Rhentu i Berchnogi – Cymru yn helpu pobl i brynu cartref pan nad oes digon o gyllid ganddynt i gyfrannu at flaendal morgais.
Mae'r cynllun yn helpu tenantiaid mewn eiddo rhent sy'n rhan o'r cynllun i gynilo cyfandaliad tuag at flaendal tra byddant yn rhentu eu cartref.
Yna, gall y cyfandaliad tuag at flaendal gael ei ddefnyddio i sicrhau morgais er mwyn prynu cartref.

O ran Rhentu i Berchnogi – Cymru:
cewch gyfle i brynu'r cartref yr ydych yn ei rentu a gallwch gynilo cyfandaliad i gyfrannu at flaendal morgais tra byddwch yn rhentu'r cartref.
byddwch yn rhentu'r cartref yn y lle cyntaf, a gallwch gael 25% o'r rhent a dalwyd gennych dros gyfnod y denantiaeth, a 50% o'r cynnydd yng ngwerth yr eiddo (os bydd cynnydd) yn ystod y cyfnod y byddwch yn rhentu'r eiddo – i’w defnyddio fel blaendal i gyfrannu at brynu'r eiddo.
bydd eich cytundeb ar gyfer cynllun Rhentu i Berchnogi – Cymru yn para am bum mlynedd. Gallwch wneud cais i brynu eich cartref unrhyw bryd rhwng diwedd yr ail flwyddyn a diwedd y cytundeb.
Rydym yn ystyried eich hanes credyd fel rhan o’r cais rhentu I brynu – a posib fyddem yn gofyn am dystiolaeth o’ch adroddiad credyd.
Os penderfynwch beidio â phrynu'r eiddo, NI fydd yr elfen adneuo yn cael ei had-dalu.
Cliciwch ar y linc I gael rhagor o wybodaeth am y cynllun Rhentu i Berchnogi Rhentu i Berchnogi – Cymru | LLYW.CYMRU

Prynu Cartref

Cefnogir y cynllun yma gan Lywodraeth Cymru i helpu i brynu eiddo ar y farchnad agored.
Bydd rhaid ichi allu dangos i’r Landlord Cymdeithasol Cofrestredig/awdurdod lleol un nai nad yw’ch cartref yn ddigonol neu na allwch bellach fforddio byw yn eich cartref presennol.
Cysylltiad Lleol - bydd rhaid i chi fod â oleiaf 5 mlynedd o gysylltiad lleol â’r ardal rydych yn dewis byw ynddi i fod ar y gofrestr e.e. yn byw, gweithio neu gysylltiad teuluol agos :- Rhieni, neiniau a theidiau, brodyr a chwiorydd, plant sy'n oedolion. Mae gan bob Sir feini prawf gwahanol o ran y cysylltiad lleol sydd ei angen a fydd hyn wedi ei nodi ar yr hysbyseb y cynllun.
Nid ydych yn gallu prynu cartref sy'n diwallu eich anghenion heb gymorth gan gynllun Prynu Cartref – Cymru.
Eich bod yn cael mynediad at forgais ar gyfer eich cyfraniad chi a chynilion ar gyfer costau eraill sydd ynghlwm wrth brynu cartref. Bydd gofyn i chi ariannu hyd at 70% o bris yr eiddo, sef cyfuniad o forgais a chynilion.
Isafswm blaendal o 5%. Hyn yn amodol ar ofynion y benthyciwr morgais.
Bydd Landlord Cymdeithasol Cofrestredig/awdurdod lleol yn rhoi benthyg y 30% sy'n weddill i chi. Mewn rhai amgylchiadau, gellir cynyddu'r benthyciad i 50%.
Bydd y benthyciad yn cael ei sicrhau yn erbyn yr eiddo, ni fydd rhent na llog yn daladwy ar y benthyciad.
Pan fydd eich amgylchiadau'n caniatáu i chi, gallwch dalu eich % benthyciad yn ôl i Landlord Cymdeithasol Cofrestredig/awdurdod lleol.
Rhaid ichi fod yn gallu bodloni'r meini prawf penodol a osodwyd gan bob awdurdod lleol/Landlord Cymdeithasol Cofrestredig sy'n gweithredu'r cynllun.
Am rhagor o wybodaeth am y cynllun Prynu Cartref ag i weld y canllaw ar gyfer prynwyr plîs cliciwch ar y linc https://llyw.cymru/prynu-cartr... / Prynu Cartref – Cymru: canllaw i brynwyr | LLYW.CYMRU

Eiddo Rhan Ecwiti

Cynigir rhan ecwiti fel arfer ar eiddo a brynir yn uniongyrchol gan ddatblygwr, gymdeithas dai/awdurdod lleol neu eiddo ail-law a brynwyd yn y gorffennol.
Mae'r eiddo'n cael eu gwerthu ar bris gostyngol sy'n is na'r farchnad agored a chytunir ar y gostyngiad % yn ystod y broses gynllunio.
Bydd yn ofynnol i’r ymgeisydd gydymffurfio â meini prawf Amod 106 (Dogfen gyfreithiol gan y cyngor yw Amod 106) e.e. cysylltiad lleol.
Mae’r benthyciad ecwiti yn gallu amrywio a byddai’n ofynnol i chi allu cyllido y % sy’n weddill drwy forgais neu gyfuniad o forgais a chynilion.
Rhaid ichi gael morgais ad-dalu ar gyfer y % o'r cartref yr ydych yn ei phrynu.
Bydd y benthyciad ecwiti yn cael ei sicrhau yn erbyn eich eiddo, ni fydd rhent na llog yn daladwy ar y benthyciad.
Bydd angen Isafswm blaendal o 5% , hyn yn amodol ar ofynion y benthyciwr morgais.
Mewn rhai amgylchiadau ni fyddwch yn gallu ad-dalu'r % ecwiti ac felly ni fyddant yn gallu bod yn berchen 100% ar yr eiddo.
Byddwn yn codi ffi asesu o £75.00

Eiddo Adran 106 ar Ddisgownt

Cynllun ble mae’r datblygwr yn adeiladu tai ac yn eu gwerthu ar bris disgownt is na'r farchnad agored.
Bydd y % disgownt yn cael ei gytuno yn ystod y broses cynllunio.
Bydd yn ofynnol i’r ymgeisydd gydymffurfio â meini prawf Adran 106 (Dogfen gyfreithiol gan y Cyngor) e.e. cysylltiad lleol.
Gall gostyngiad amrywio a byddai'n ofynnol i chi ariannu'r % sy'n weddill gyda chyfuniad o forgais a chynilion.
Bydd angen isafswm blaendal o 5%, hyn yn amodol ar ofynion y benthyciwr morgais.
Byddwn yn codi ffi asesu o £75.00.

Rhan Berchnogaeth

Gallwch brynu % o'r cartref a thalu rhent ar y % sy’n weddill.
Gallwch brynu % gychwynnol rhwng 25% a 75% o werth yr eiddo.
Bydd angen isafswm blaendal o 5%, hyn yn amodol ar ofynion y benthyciwr morgais.
Mae angen cyfuniad o forgais a/neu gynilion arnoch i ariannu'r gyfran ecwiti % rydych chi'n ei phrynu.
Gallwch gynyddu eich cyfran yn yr eiddo ar unrhyw adeg fyny at y % a nodi’r ar y les.
Chi fydd yn gyfrifol am gynnal a chadw’r eiddo hyn yn oed os ydych yn talu % o rent.
Bydd y les yn amlinellu'ch cyfrifoldebau o ran yr eiddo.
Am fwy o wybodaeth cliciwch ar y linc https://llyw.cymru/rhanberchno... .

Hunain Adeiladu

Ymgeiswyr sydd am adeiladu eiddo ar eu tir eu hunain.
Byddwch yn cael eich asesu yn erbyn y meini prawf a bennwyd gan yr Awdurdod Lleol yn unol a’i canllaw cynllunio Atodol tai fforddiadwy.
Yr angen am dai yn cyfeirio at aelwydydd nad oes ganddynt eu tai eu hunain neu sy'n byw mewn tai y bernir eu bod yn annigonol neu'n anaddas, sy'n annhebygol o allu diwallu eu hanghenion yn y farchnad dai heb rywfaint o gymorth ariannol.
Tai Fforddiadwy - Tai a ddarperir i'r rhai nad yw eu hanghenion yn cael eu diwallu gan y farchnad agored.
Bydd angen i chi ddarparu gwybodaeth fel a nodi’r o dan y broses Tai Teg.
Bydd angen prawf perchnogaeth tir arnom.
Bydd angen prawf o forgais a/neu gynilion.
Unwaith y bydd Tai Teg wedi gorffen yr asesiad, caiff ei anfon at yr Awdurdod Lleol perthnasol i’w ystyried fel rhan o'r Broses Gynllunio.
Bydd angen i'r tir fod yn destun cytundeb Adran 106 gydag Awdurdod Lleol eich cyngor. Cysylltwch â'r awdurdod lleol am gyngor ac arweiniad pellach.
Mae ffi asesu o £75.00.

Angen Cymorth?

Croeso i chi gysylltu â ni i drafod y broses cofrestru/eich cais neu gynllun penodol. Manylion cysylltu wedi ei nodi isod:

Ffôn: 03456 015 605
Ebost: info@taiteg.org.uk

Cyfryngau Cymdeithasol

Cynlluniau

Rhent Canolraddol

Rhentu i Brynu

Prynu Cartref

Eiddo Rhan Ecwiti

Eiddo Adran 106 ar Ddisgownt

Rhan Berchnogaeth

Hunain Adeiladu

Angen Cymorth?

Cysylltiadau Cyflym

Newyddion

Ddim ar gael 19/06/2025

Eiddo Newydd

Neges Bwysig